أقامت إذاعة «نجوم إف إم» احتفالا، اليوم الخميس، بتعافي الدكتورة والإعلامية نجوى إبراهيم من السرطان، وذلك بحضور هالة حجازي، المدير التنفيذي والعضو المنتدب لشركة النيل للإنتاج الإذاعي.
وكانت الإعلامية نجوى إبراهيم قالت في تصريحات لها، اليوم، ببرنامجها «بيت العز» على إذاعة نجوم إف إم: «أنا فرحانة جدا ومبسوطة جدا.. ومش عايزة حد يقول دى طلعت من أسبوعين ودلوقتي بقت كويسة الموضوع منذ 4 أشهر لكن مرضتش أعلن عنه ربنا أراد الشفاء بسبب دعواتكم التي استقبلتها».
وأضافت: «بعد 4 أو 5 شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهاردة لسة وجه جديد معاكم».
وتابعت: «أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة لغاية دلوقتي، هبدأ النهاردة حياتي معاكم واعتبروني وجه جديد»
وكشفت الإعلامية نجوى مؤخرا، عن امتنانها لكافة مظاهر الحب التي حظيت بها بعد إعلان مرضها.
وأضافت نجوى إبراهيم خلال تقديم برنامجها «بيت العز» عبر نجوم إف إم: «الأسبوع اللي فات حسيت إني غلطت جدًا، أنا مش من النوع الشكاي، واللي قلته مكانش شكوى كانت مشاركة معاكم».
وأضافت: «لما روّحت قعدت أبكي يومين ثلاثة، لإني لقيت ناس كثيرة مليانة حب، وكمية الدعوات اللي جاءت لي لو كانوا هيقطعوا إيدي مش هتتقطع من كثرة الدعوات، رب ضارة نافعة».
وتابعت: «لأن جلد الذات طبيعتي وضميري مستيقظ علطول قلت ليه أنكد عليكم؟ كل واحد فيه اللي مكفيه، وليه أطلع أقول كدة، والموضوع بقاله شهرين ثلاثة، وبجري فيه لوحدي مع ولادي وعيلتي، مكانش يصح أقول كدة».
